ស្របតាមកាសែតAsahi អ្នករងគ្រោះដោយរលកយក្សស៊ូណាមីចំនួនជាងពាក់កណ្តាល កាលពីថ្ងៃ១១មីនាមុន នៅតាមបណ្តោយឆ្នេរសមុទ្រប៉ែកឦសានប្រទេសជប៉ុនប្រវែងជាង ៦០០គីឡូម៉ែត្រ មានអាយុជាង៦៥ឆ្នាំ។គឺជាតួលេខផ្តល់ដោយប៉ូលិសដែលបានមើលបញ្ជាក់ អាយុអ្នកស្លាប់ជាង៨០០០នាក់ដែលមានចំនួន៥៤%នៃចំនួនអ្នករងគ្រោះ។
មុនរលកយក្សស៊ូណាមី ថ្ងៃ១១មីនា មនុស្សចាស់នៅTohoku ខាងប៉ែកឦសានប្រទេសជប៉ុនមានចំនួន២៥%នៃចំនួនបណ្តាជន។ប្រសិនបើចំនួនជាងពាក់កណ្តាលនៃអ្នករងគ្រោះដោយរលកយក្សស៊ូណាមីមានអាយុជាង៦៥ឆ្នាំ ពីព្រោះតែជនទាំងនេះគ្មានពេលនឹងរត់គេចខ្លួនឬពីព្រោះតែគេជាជនពិការនិងពុំអាចទៅណាមកណា ដោយគ្មានជំនួយពីនរណាម្នាក់។
ស្របតាមកាសែតAsahi ចំនួនអ្នករងគ្រោះប្រមាណជាបីម៉ឺននាក់ប្រហែលអាចនឹងកើនឡើងថែមទៀត ពីព្រោះគ្រួសារទាំងមូលៗត្រូវបានលិចលង់ពាំនាំយកទៅដោយរលកយក្សស៊ូណាមី ដោយគ្មាននរណាអាចនិយាយប្រាប់ប៉ូលិសអំពីការបាត់ខ្លួនរបស់គេ។
សាកសពរាប់ជាច្រើនពាន់នាក់ នៅតែពុំទាន់អាចត្រូវរកឃើញ។នៅជុំវិញរោងចក្រអគ្គិសនីដើរដោយថាមពលនុយក្លេអ៊ែរ នៅFukushima សាកសពជិតមួយពាន់នាក់នៅតែពុំទាន់ត្រូវបានរើសប្រមូលនាំយកទៅ នៅមណ្ឌលហាមប្រាមរង្វង់២០គីឡូម៉ែត្រជុំវិញរោងចក្រ។
ប៉ូលិសទើបតែចាប់ផ្តើមរើសប្រមូលសាកសពទាំងនេះ ប៉ុន្តែដោយប្រុងប្រយ័ត្នខ្លាំងណាស់ពីព្រោះសាកសពទាំងនេះ បានទទួលរងធាតុវិទ្យុសកម្មខ្លាំងណាស់ និងត្រូវតែទទួលរងការបន្សាបធាតុវិទ្យុសកម្មទាំងនេះ៕
No comments:
Post a Comment