លោករដ្ឋមន្ត្រីក្រសួងការពារជាតិកូរ៉េខាងត្បូង Kim Kwan-Jin (ឆ្វេង) និងសមភាគីជប៉ុន Toshimi Kitazawa (ស្តាំ).
រដ្ឋមន្ត្រីក្រសួងការពារជាតិកូរ៉េខាងត្បូងនិងជប៉ុនជួបប្រាស្រ័យ គ្នា នៅថ្ងៃចន្ទ១០មករានេះ នៅសេអ៊ូលជារដ្ឋធានីនៃកូរ៉េខាងត្បូង។បញ្ហាស្នូលនៃជំនួបនេះគឺ ការគំរាមខាងយោធាពីខាងកូរ៉េខាងជើងនិងលទ្ធភាពនៃសហប្រតិបត្តិការ យោធាជាឩភតោភាគី។គឺជាជំនួបលើកទីមួយបែបនេះចាប់តាំងពីជិតពីរ ឆ្នាំមក។ពិតមែនតែកូរ៉េខាងត្បូងនិងជប៉ុនឯកភាពគ្នានៅក្នុង ការប្រឈមមុខទល់នឹងកូរ៉េខាងជើងក៏ដោយ ក៏នៅមានទំនាស់ជាច្រើន ជាអាទិ៍ ផ្នែកខាងប្រវត្តិសាស្ត្រដែលរារាំងមិនឱ្យប្រទេសទាំងពីរខិតចូលជិត គ្នា។
កូរ៉េខាងត្បូងនិងជប៉ុនប៉ុនប៉ងនៅថ្ងៃចន្ទនេះពុះពារជំនះលើការប្រកួតប្រជែងគ្នានិងការមិនទុកចិត្តគ្នាមានជាច្រើនសិបឆ្នាំមកហើយ។នៅកូរ៉េខាងត្បូង មុខរបួសបន្សល់ទុកដោយអាណានិគមកិច្ចដ៏ឃោរឃៅរបស់ជប៉ុន នៅដើមសតវត្សមុន នៅតែធ្វើឱ្យឈឺចុកចាប់នៅឡើយ។ទំនាស់ដែនដីនៅតែមាននៅឡើយ ហើយជនជាតិកូរ៉េខាងត្បូងភាគច្រើនជំទាស់ខ្លាំងណាស់ទល់នឹងរាល់សហប្រតិបត្តិការយោធាជាមួយប្រទេសជប៉ុនជិតខាង។
ប៉ុន្តែ ស្ថានភាពភូមិសាស្ត្រនយោបាយបច្ចុប្បន្នតម្រូវឱ្យកងទ័ពនៃប្រទេសទាំងពីរខិតចូលជិតគ្នា។ការឈ្លានពានរបស់កូរ៉េខាងជើងនៅឆ្នាំទៅ បានបណ្តាលឱ្យស្លាប់ជនជាតិកូរ៉េខាងត្បូងអស់៥០នាក់។ជប៉ុនទទួលរងការគំរាមជារឿយៗដោយការបាញ់កាំជ្រួចមីស្ស៊ីលកូរ៉េខាងជើង។ចំណែកឯកំណើនមហិទ្ធិឫទ្ធិយោធារបស់ប្រទេសចិនជាសម្ព័ន្ធមិត្តជាប្រពៃណីរបស់ព្យុងយ៉ាងក៏ធ្វើឱ្យប្រទេសទាំងពីរខ្វល់ចិត្តខ្លាំងដែរ។
បន្ថែមពីលើនេះគឺស.រ.អា.ដែលជាសម្ព័ន្ធមិត្តយោធារបស់សេអ៊ូលនិងតូក្យូ។វ៉ាស៊ិនតោនចង់ឃើញសម្ព័ន្ធមិត្តខ្លួនទាំងពីររឹតចំណងរវាងគ្នាថែមទៀត។រដ្ឋមន្ត្រីក្រសួងការពារជាតិកូរ៉េខាងត្បូងនិងជប៉ុនពិភាក្សាគ្នានៅថ្ងៃនេះអំពីការផ្តោះប្តូរព័ត៌មានគ្នាស្តីពីនុយក្លេអ៊ែរកូរ៉េខាងជើង ក៏ព្រមទាំងអំពីការចុះហត្ថលេខាជាយថាហេតុលើកិច្ចព្រមព្រៀងពស្តុភារយោធាមួយ។
ប៉ុន្តែ សេអ៊ូលបានបញ្ជាក់ប្រាប់រួចស្រេចទៅហើយថាគឺគ្រាន់តែជាការខិតចូលជិតគ្នាត្រូវតាមកាលៈទេសៈប៉ុណ្ណោះ ហើយគ្មានអ្វីប្រហែលជានឹងត្រូវចុះហត្ថលេខាទេ បន្ទាប់ពីជំនួបប្រាស្រ័យគ្នានេះមក៕
Link : http://www.khmer.rfi.fr/asia/20110110-ជំនួប%E2%80%8Bរវាង%E2%80%8Bរដ្ឋមន្ត្រី%E2%80%8Bក្រសួង%E2%80%8Bការពារជាតិ%E2%80%8Bជប៉ុន%E2%80%8Bនិង%E2%80%8Bកូរ៉េ%E2%80%8Bខាង%E2%80%8Bត្បូង%E2%80%8B
No comments:
Post a Comment